અભિનયસમ્રાટ ઉપેન્દ્ર ત્રિવેદી ગુજરાતી ભાષા, સંસ્કૃતિ અને ફિલ્મો પ્રત્યે ઊંડી લાગણી ધરાવતા. ગુજરાતી ફિલ્મો વિશે તોછડું બોલતા લોકોને તે ફિલ્મના ચાલુ શૂટિંગે જ રોકડું પરખાવી દેતા. એક વાર કોઈકે ગુજરાતી ફિલ્મોની ફાળિયાવાળી ફિલ્મો કહી મજાક કરી. ત્યારે ઉપેન્દ્ર ત્રિવેદીએ તત્કાળ પ્રત્યુત્તર આપતાં કહ્યું, ‘અરે પાઘડી એ તો ગુજરાતનું ગૌરવ છે. ગૌરવ માટે જ અમે ગુજરાતની અલગ અલગ સંસ્કૃતિમાં પહેરાતી પાઘડીઓને ફિલ્મમાં દર્શાવવી એટલે ગુજરાતની લોકસંસ્કૃતિનો પ્રચાર.’ પોતાની માતૃભૂમિની ભાષા, પહેરવેશ અને સંસ્કૃતિ અંગે કેટલી હદનું સ્વાભિમાન હોવું જોઈએ એ વાત આપણને સ્વર્ગસ્થ શ્રી ઉપેન્દ્ર ત્રિવેદીના આ પ્રસંગ પરથી શીખવા મળે છે.
